A Casa da cultura de Porto do Son acollerá o sábado 28 de febreiro, ás 19:30 h, a función ‘A Consagración da Primavera’ do grupo Il Concerto Intempestivo. O concerto ten entrada de balde ata completar aforo.
Este conxunto fundouse no ano 2023 polos violinistas Rahel Boell e Jaume Guri, a violonchelista Rebecca Krieg e o clavecinista Eliot Dios. Despois de estudar xuntos na Schola Cantorum Basiliensis, interpretan instrumentos históricos á vez que se basean nas súas diversas experiencias en improvisación, música contemporánea e composición. Isto permítelles elaborar programas inventivos que contan unha historia a través da súa música e crean un novo tipo de experiencia de concerto para o público.
Co seu programa “A consagración da primavera – edición barroca” gañaron o “Competición Musikfestspiele Potsdam Sanssouci” (2025) e o primeiro premio no “Competición de artistas emerxentes” en Vancouver (2024). Actuaron en festivais como “Freunde Alter Musik Basel”, “Espazos Sonoros” e “Barocktage Solothurn”, con próximos compromisos como “Thüringer Bachwochen”, “Label Suisse Festival” e “Musikfestspiele Potsdam Sanssouci”.
Actividade incluída dentro do programa da Rede Cultural da Deputación da Coruña.
