O domingo, 7 de setembro, terá lugar o I Torneo de Pickleball Concello de Porto do Son, que organiza a empresa PICKLE360 xunto ao Concello.
A cita levarase a cabo na praza de curro de Portosín e as persoas interesadas poderán inscribirse, ata o 4 de setembro, a través do teléfono 649 022 288 ou nesta ligazón.
CATEGORÍAS E PRAZAS
Senior: Dobres masculino, dobres feminino, dobres mixto, individual masculino e individual feminino
Senior +50: Dobres Open (parexas masculinas, femininas ou mixtas), individual masculino e individual feminino.
O número de inscricións mínimo será de 4 en cada categoría e un máximo de 16. En caso de superar esta cifra abrirase unha lista de espera.
PREMIOS
Premio para os tres primeiros clasificados de cada categoría.
Obsequio para todas as persoas participantes.
Sorteo de material deportivo.
