Este sábado, 4 de outubro, terá lugar na Casa da Cultura de Porto do Son a presentación da exposición ‘Lembranzas e agarimos’, de Enrique Valero Gutiérrez del Olmo.
Gutiérrez del Olmo é Dr. Enxeñeiro de Montes e desenvolve a súa actividade profesional como profesor na Escola de Enxeñería Forestal da Universidade de Vigo. Esta é a súa primeira mostra de pintura, arte na que comezou a formarse hai apenas tres anos, exclusivamente na técnica de acuarela.
Nas obras expostas pódense apreciar as magníficas paisaxes naturais dos montes, ríos e costa de Porto do Son, onde o artista pasa longas tempadas do seu tempo ao longo do ano.
As persoas interesadas en visitala poderano facer ata o 30 de outubro no seguinte horario:
De luns a venres de 08.00 a 14.00 horas.
Xoves e venres de 17:30 a 20:00 horas.
Sábados de 10:30 a 14:00 horas.
