Xornada informativa sobre mobilidade grupal

O vindeiro martes 22 de xullo, ás 10:30 horas, terá lugar unha xornada informativa sobre o programa de mobilidade grupal no Centro de Interpretación de Porto do Son.

Dirixida a mozas e mozos de 18 a 30 anos de idade, e impulsada pola Fundación Paideia, explicarase en que consiste a iniciativa dunha estancia dun mes en Alemaña, prevista para o mes de outubro. Este programa é completamente de balde, con todos os gastos cubertos: viaxe de ida e volta, aloxamento, transporte e manutención.

Podes confirmar a túa asistencia enviando un correo electrónico a omix@portodoson.gal ou chamando ao 981 767 589.