Programas
PROGRAMA DE VALORACIÓN, ORIENTACIÓN E INFORMACIÓN
Consiste nun conxunto de atencións de carácter informativo e de intervención social, dirixidas á poboación en xeral e a sectores con necesidades específicas sobre prestacións e servizos do Sistema Público de Servizos Sociais e de outros sistemas de protección social.
Obxecto:
- Facilitar información e garantir o dereito de acceso universal ao sistema galego de servizos sociais a todas as persoas.
- Estudar, valorar e avaliar as situacións de necesidade dando acceso e xestionando os recursos propios do sistema de servizos sociais, así como dirixindo e orientando no caso de demandas a outros recursos específicos ou especializados.
A quen vai dirixido
Persoas e familias residentes no Concello de Porto do Son.
Información do seu interese:
Para acceder a esta atención é preciso solicitar cita previa presencialmente nas oficinas da Área de Benestar Social municipal ou a través do teléfono 981 867 414
Horario de atención ao público:
De luns a venres
9h – 14h inverno
9h – 13h verán
PROGRAMA DE AXUDA NO FOGAR
Consiste en ofrecer un conxunto de atención a persoas ou familias no seu propio domicilio, especialmente naquelas situación nas que teñan limitada a súa autonomía e noutras situación de risco social para as que resulte un recurso idóneo.
Orientadas a manter a súa autonomía persoal.
Obxecto:
Facilitar o desenvolvemento persoal e a permanencia das persoas atendidas na súa contorna habitual.
A quen vai dirixido?:
Fundamentalmente, a persoas maiores con déficits de autonomía e a persoas con discapacidade, especialmente cando carezan de apoio persoal na súa contorna inmediata.
Servizos:
- Servizo de Axuda no Fogar
- Servizo de Teleasistencia domiciliaria
- Servizo de Xantar na Casa
PROGRAMA DE INFORMACIÓN E APOIO FAMILIAR
Integra o conxunto de proxectos e servizos de apoio educativo e psicosocial dirixidos ás familias.
Obxecto:
Atender e previr as situación que poidan provocar risco social nos e nas menores e as súas familias, desenvolvendo acción que mellores a súa situación.
A quen vai dirixido?:
Familias e menores ao seu cargo con necesidades de apoio socio educativo.
PROGRAMA BÁSICO DE INSERCIÓN SOCIAL
Obxecto:
Detección e valoración das demandas presentadas polas persoas e unidades familiares que se atopen en situacións ou risco de exclusión social, levando a cabo as intervencións máis axeitadas para cada caso: derivación ao recurso idóneo, aplicación de proxectos de intervención social personalizados, asignación das prestacións económicas e sociais necesarias e encamiñadas a satisfacer as súas necesidades económicas básicas e a estimular a súa incorporación social e laboral.
A quen vai dirixido?:
Persoas e unidades familiares en situacións ou risco de exclusión social.
Prestacións
- Prestación económica de integración social da Xunta de Galicia (RISGA)
- Axudas económicas de inclusión social da Xunta de Galicia (AIS)
- Axudas económicas municipais para a inclusión social e a coberturas de situación de necesidade social (AISENS)
PROGRAMA DE FOMENTO DA COOPERACIÓN E DA SOLIDARIEDADE SOCIAL
Dirixido a facilitar a participación comunitaria en tarefas colectivas, impulsar o asociacionismo solidario e, en especial, a organización e coordinación do voluntariado social.
Obxecto:
Este programa pretende contribuír, mediante o apoio a persoas voluntarias, asociacións, entidades e organizacións non gobernamentais (ONG), ao desenvolvemento de iniciativas solidarias, de voluntariado social y de cooperación, con especial atención aos colectivos máis desfavorecidos e con maiores necesidades sociais e ás persoas con discapacidade.
A quen vai dirixido?
A entidades do terceiro sector que realicen proxectos de acción e actividades relacionados coa cooperación e a solidariedade social.
Persoas e colectivos interesados en acción e actividades en materia de voluntariado social.
INTERVENCIÓN PSICOLOXIA
O acceso a este servizos é pedindo cita nos servizos sociais.
O obxecto da intervención social de psicoloxía son os problemas emocionais e conductuais que son derivados das múltiples problemáticas sociais. O psicólogo intervén na consulta . Cando sexa necesario derivará ó servizo que requira o problema.
As problemáticas que se observan son relacionadas con: discapacidades, violencia de xénero, menores, separacións de parella e os fillos , trastornos emocionais por múltiples problemáticas, maiores, conflitos familiares diversos, adiccións, patoloxías mentais graves, duelos.
