A tenente de alcalde, María Maroñas, xunto a Magdalena Pérez, que acudiu en calidade de parlamentaria, estiveron presentes onte na duodécima gala de entrega de premios ‘Down Compostela’, organizada por esta entidade.
A sala Mozart do Auditorio de Galicia, en Santiago de Compostela, acolleu esta gala na que os galardoados nesta edición foron a psicóloga, Marta Rodríguez Lorenzo; o catedrático, Antonio Rodríguez Núñez e a empresa, Seur Geopost.
Porto do Son, integrador e solidario
Desde hoxe venres e durante toda a fin de semana, a estacada da fachada marítima do municipio sonense lucirá coas cores azul e amarelo, en conmemoración do Día Mundial da Síndrome de Down. Un xesto que suma e que pretende outorgar máis visibilidade ás persoas con esta síndrome, defender os seus dereitos e crer nas súas posibilidades.
