O Concello organiza a ruta guiada ‘De Portus Sinum a Portosín’

O Concello celebrará o domingo, 26 de xullo, De Portus Sinum a Portosín, unha ruta guiada de sete quilómetros para descubrir unha parte esencial da historia do municipio.

O percorrido, de dificultade media, partirá da praza do Curro de Portosín e transcorrerá por lugares como Valcunqueiro, A Silva e San Caetano antes de regresar á praza do Curro, onde estará situada a meta.

As persoas interesadas en participar na actividade deberán anotarse previamente a través do correo electrónico tremuzoap@gmail.com ou do teléfono 636 052 463 (a través do WhatsApp) indicando o seu nome completo e un teléfono de contacto. As solicitudes estarán abertas a partir do luns, 20 de xullo.