Ante a gran acollida recibida e debido á alta demanda, o Concello volverá organizar a andaina De Portus Sinum a Portosín, unha ruta guiada de sete quilómetros para descubrir unha parte esencial da historia do municipio.
A actividade levarase a cabo o vindeiro sábado, 22 de agosto, a partir das 9:00 h. O percorrido, de dificultade media, partirá da praza do Curro de Portosín e transcorrerá por lugares como Valcunqueiro, A Silva e San Caetano antes de regresar á praza do Curro, onde estará situada a meta.
As persoas interesadas en participar na actividade deberán anotarse previamente a través do correo electrónico tremuzoap@gmail.com ou do teléfono 636 052 463 (a través do WhatsApp) indicando o seu nome completo e un teléfono de contacto.
Desde o Concello do Porto do Son agradecemos enormemente o interese mostrado e celebramos poder ofrecer unha nova oportunidade para participar.
