Karcocha, o mimo-arlequín máis famoso do mundo, regresa a Porto do Son

O domingo 15 de agosto regresa a Porto do Son un convidado de excepción, Karcocha, o mimo e arlequín máis famoso do mundo que ofrecerá un espectáculo único desde as 20:30 horas na fachada marítima da vila.

O nome de Karcocha vén da súa afección de neno pola construción de papaventos de papel, que en Chile chaman carcochas. Autodefínese como “un arlequín contemporáneo” e é ademais un viaxeiro incansábel que ten a capacidade de aparecer en calquera cidade do mundo sen aviso e cunha inmensa capacidade para poñer patas arriba, co seu humor clown-urbano particular, a actividade de calquera dos lugares nos que recala.