A Axencia Galega de Desenvolvemento Rural lanza novas axudas para o ano 2025 destinadas á compra de maquinaria e equipamento para empresas que desenvolvan actividades non agrícolas.
Quen pode solicitala?
- Pequenas empresas.
- Persoas físicas suxeitas ao réxime especial de traballadores autónomos.
- Que se subvenciona? Maquinaria e equipamentos novos necesarios para a actividade produtiva. A intensidade das axudas será dun 45% do orzamento aceptado.
Cales son os principais requisitos?
- Empresas constituídas antes do 1 de setembro de 2024.
- Os investimentos non poden estar iniciados na data da presentación da solicitude da axuda.
- Que se desenvolvan no territorio de Galicia, agás nas parroquias clasificadas como zonas densamente poboadas (ZDP).
- O orzamento dos proxectos debe estar comprendido entre 20.000 e 250.000 euros, no caso de artesanía esta contía será entre 5.000 e 100.000 euros.
Máis información en https://agader.xunta.gal a través do enderezo electrónico infoagader@xunta.gal ou nos teléfonos 981 547 369 · 981 540 140 · 881 997 263
